Türkiyə millisi Avropa çempionatına inamlı qələbə ilə başlayıb

   Türkiyə millisi Avropa çempionatına inamlı qələbə ilə başlayıb
  18 İyun 2024    Oxunub:1174
Türkiyə millisi Almaniyada təşkil olunan Avropa çempionatında mübarizəyə başlayıb
AzVision.az xəbər verir ki, “ay-ulduzlular” F qrupundakı ilk oyununda Gürcüstan yığması ilə qarşılaşıb. Görüş qardaş ölkə seçməsinin qələbəsi ilə başa çatıb - 3:1.

Qarşılaşmada hesabı 25-ci dəqiqədə Türkiyə millisinin heyətində Mərt Müldür açıb. 32-ci dəqiqədə gürcülər Jorj Mikautadzenin qolu ilə tarazlığı bərpa ediblər. 65-ci dəqiqədə Arda Gülər uzaq məsafədən qüvvətli zərbə ilə yenidən Türkiyə millisini hesabda önə keçirib. Oyunda son nöqtəni isə 90+7-ci dəqiqədə Kərəm Aktürkoğlu qoyub.

Qeyd edək ki, bu qrupun digər matçında Portuqaliya və Çexiya yığmaları üz-üzə gələcəklər.

AzVision.az



Teqlər:





Xəbər lenti