Bessentin sözlərinə görə, onun Kiyevə səfəri zamanı Ukrayna prezidenti ilə çox canlı diskussiyası olub.
“Sizin orada 50 müxbiriniz var. Mən Amerika xalqı, Rusiya xalqı, bağışlayın, Ukrayna xalqı, Amerika rəhbərliyi ilə Ukrayna rəhbərliyi arasında heç bir fikir ayrılığının olmadığını göstərmək üçün buradayam. Siz Böyük Kanyon kimi böyük bir uçurum açdınız. Bu insanlara nə deyəcəyik?”, - amerikalı məmur açıqlayıb.
Bessent iddia edir ki, Zelenski onda nəzərdə tutulan sazişi Münhendə imzalayacağına söz verib.
- Amma o, sazişi imzalamadı, sadəcə, çoxlu söz-söhbət oldu. Sonra isə Oval kabinetə gəldi və dünyada ən asan olan şeyi dağıtdı. İmzalnamaq üçün masada hər şey hazır idi, lakin elə imzalanmamış da qaldı”, - ABŞ-nin Maliyyə naziri deyib.
O, həmçinin ABŞ-nin mineral ehtiyatlar üzrə Ukrayna ilə bağlayacağı sazişin rusların xoşuna gəlmədiyini düşnür. Bessentin fikrincə, bunu onun Kiyevə gəlişindən 4 saat əvvəl Rusiyanın bu şəhəri bombalaması sübut edir. Halbuki, bundan əvvəl Ukrayna paytaxtı ötən ilin noyabr ayından bəri bombalanmamışdı.
Amerikalı nazir bildirb ki, mineral sövdələşmə ABŞ prezidenti Donald Trampın sülh planının bir hissəsidir və saziş bir neçə hədəfi nəzərdə tutur.
“Əvvəla, bu, ABŞ və Ukraynanı tərəfdaş edəcək, bizi daha da yaxınlaşdıracaq. İkincisi, bu, Rusiya rəhbərliyinə ABŞ-nin Ukraynanı tərk etmədiyinə dair siqnal olacaq. Üçüncüsü, bu, Amerika xalqına göstərəcək ki, bizim iqtisadi payımız var və biz təkcə bu böyük qrantları verməmişik. Bu, uzunmüddətli tərəfdaşlıq ola bilər”, - Skott Bessent vurğulayıb.
Sahil İsgəndərov
AzVision.az
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
