"Azercell"in qadınlara dəstək proqramı çərçivəsində sosial layihə qəbulu davam edir

"Azercell"in qadınlara dəstək proqramı çərçivəsində sosial layihə qəbulu davam edir
  11 Sentyabr 2024    Oxunub:2002
"Azercell" qadınların ictimai həyatda fəallığının artırılmasına töhfə vermək məqsədilə həyata keçirdiyi sosial layihə müsabiqəsinin müraciət tarixini uzadır. Qeyri-hökumət və qeyri-kommersiya təşkilatları layihə təkliflərini 24.09.2024-cü il tarixinədək qeyd olunmuş link
üzərindən göndərə bilər.
Müsabiqə çərçivəsində iki qalib layihə seçiləcək və hər birinin həyata keçirilməsi üçün 5.000 AZN qrant ayrılacaq.*

Xatırladaq ki, müsabiqənin məqsədi qadınların cəmiyyətdə mövqeyinin yaxşılaşdırılmasına, həmçinin maddi-mənəvi rifahının artırılmasına dəstək olmaqdır.

Müsabiqəyə təqdim olunan layihələr aşağıdakı mövzulardan birini əhatə etməlidir:

 Müxtəlif istiqamətlər üzrə qadınların bilik və bacarıqlarının təkmilləşdirilməsi;
 Qadınlara sahibkarlıq və biznes fəaliyyətinə dair praktiki biliklərin aşılanması;
 Texnoloji və innovativ sahədə qadınlarda yeni bacarıqların formalaşdırılması;
 Qadınların hüquq və maliyyə savadlılığının artırılması;
 Qadınlar arasında sağlam həyat tərzinin təbliğ edilməsi.

Ətraflı məlumat üçün: Azercell “Həyatı daha dolğun edirik: qadınlara dəstək proqramı”na start verir!

Qeyd edək ki, layihə təklifi Azərbaycan dilində göndərilməlidir. Müraciətə layihənin həyata keçirilməsi üçün tələb olunan büdcənin detallı açıqlamasının əlavə edilməsi xahiş olunur. “Azercell Telekom” MMC bütün iştirakçılara uğurlar arzu edir!

(* Qrantın məbləği münsiflər heyətinin layihə dəyərləndirməsindən asılı olaraq müəyyənləşdirilmiş
məbləğdən yuxarı və ya aşağı ola bilər).

AzVision.az


Teqlər: Azərcell  





Xəbər lenti


Azvision.az ©2014 | Bütün hüquqları qorunur