Maskın sözlərinə görə, qeyri-adi yolsuzluq avtomobilinin kiçik miqyaslı istehsalına gələn ilin yayında başlanılacaq. "Cybertruck"un kütləvi yığılması yalnız gələn il üçün planlaşdırılır.

“İstehsal xəttini işə salmaq vaxt tələb edir, çünki bu, həqiqətən çox radikal bir məhsuldur. O, digər avtomobillər kimi hazırlanmayıb”, – Mask investorlara müsahibəsində deyib.

Eyni zamanda, Tesla rəhbəri avtomobilin diapazonu və mühərrik gücü kimi yenilənmiş xüsusiyyətlərini açıqlamaqdan imtina edib. Bunun əvəzinə Mask "Cybertruck"un inanılmaz bir məhsul olduğuna əminliyini ifadə edib.

Tesla ilk dəfə 2019-cu ildə "Cybektruck"u elan etdi. O vaxtdan bəri buraxılış tarixi bir neçə dəfə geri çəkildi.

The Verge hesab edir ki, elektrik pikapının buraxılışının ləngiməsinin əsas səbəblərindən biri Teslanın kuzovun istehsalı üçün adi polad əvəzinə paslanmayan poladdan istifadə etmək qərarı ola bilər.

Jurnalistlərin fikrincə, bu, nəinki baha başa gəlir, həm də xüsusi qaynaq üsullarını tələb edir.

Şahanə Rəhimli
AzVision.az