Netanyahu Trampla görüşəcək

   Netanyahu Trampla görüşəcək
  27 Yanvar 2025    Oxunub:617
İsrailin Baş naziri Benyamin Netanyahu gələn həftə ABŞ Prezidenti Donald Trampla görüşmək məqsədilə Vaşinqtona yollanacaq.
İsrailin "Walla" xəbər agentliyinin hökumətin adı açıqlanmayan rəsmi nümayəndələrinə əsasən yaydığı məlumatda vurğulanır ki, görüş baş tutacağı təqdirdə Netanyahu Ağ Evdə Trampın qəbuluna gələn ilk xarici lider olacaq.

"Bu, Trampın Qəzzada HƏMAS-la əsir mübadiləsi üzrə saziş fonunda Netanyahuya jestidir. Hər halda, görüşün mümkünlüyü Baş nazirin səhhətindən asılıdır", - agentlik yazır.

Bildirilir ki, İsrailin hökumət başçısının ABŞ-yə səfərinin 3-5 fevral aralığında baş tutacağı nəzərdə tutulsa da, dəqiq tarix hələlik məlum deyil. Eyni zamanda, Netanyahunun səfər şəraiti onun ötən günlərdə keçirdiyi əməliyyat nəticəsində səhhətindən, 12 saatlıq uçuşa və intensiv görüş cədvəlinə tab gətirib-gətirməyəcəyindən asılıdır.

Firudin Həmidli
AzVision.az


Teqlər: İsrail   ABŞ   Baş-nazir   prezident   görüş  





Xəbər lenti