AzVision.az xəbər verir ki, ABŞ və Çinin Millsi Statistika Xidmətlərinin rəsmi məlumatları belə mənzərini təsvir edir.

Xatırladaq ki, aprel ayının ilk günlərində Donald Trampın başladığı “ticarət müharibəsi” çərçivəsində ABŞ ilə Çin arasında idxal mallarına tətbiq edilən tariflər müvafiq şəkildə 145% və 125% həddinə qədər yüksəlib. Bəzi ekspertlərinin fikrincə, tariflərin belə səviyyəsi dünyanın iki ən böyük iqtisadiyyatı arasında ticarətin virtual dayandırılması deməkdir.

Eyni zamanda, onlar idxal sahəsində tərəflərin bir-birindən asılılıq səviyyəsinə diqqət çəkirlər. Belə ki, keçən il ABŞ yalnız 68 məhsul kateqoriyasında Çin idxalının üçdə birindən çoxunu təşkil etdiyi halda, 198 kateqoriya üzrə məhsulların üçdə birindən çoxunu məhz Çindan alıb.

68 məhsul qrupu arasında Çin bazarı həcm baxımından ən çox Amerikadan quş ətinin idxalından asılı olub - 93%. Birləşmiş Ştatlar Çinin kök bitkiləri, ət və konserv məhsulları idxalının 70%-dən bir qədər çoxunu, alışqan və sorqo (bolqar taxılı) idxalının təxminən üçdə ikisini təmin edib.

ABŞ həmçinin Çin bazarının güzgülər, kaolin, tantal, sellüloz və təyyarə tədarükünün təxminən 60 faizini, turbojet mühərriklərinin və qaz turbinlərinin, heyvan yemi və kvarsın təxminən yarısını təmin edib. Amerikanın Çinə ixracının ən azı üçdə birini təşkil etdiyi digər mallara antibiotiklər, pambıq lifi və yük maşınları daxildir.

Çinin ABŞ-dən mütləq rəqəmlərdə ən böyük alışı neft məhsullarına aiddir - 14 milyard dollar, halbuki bu məhsulların payı ümumi idxalın cəmi 16%-ni təşkil edib.

Çin Avropa ilə yaxınlaşır

Demək olar ki, bütün “milyard dollarlıq” Çin idxalında da oxşar vəziyyət yaranıb: idxalın yalnız üçdə birindən çoxu ABŞ-dən gələn turbojet mühərrikləri və qaz turbinləri (6,6 milyard dollar), təyyarə (5,3 milyard dollar), asiklik karbohidrogenlər (2,8 milyard dollar), pambıq lifi (1,85 milyard dollar) və sorqo (1,7 milyard dollar) alışına düşüb.

Eyni zamanda, Amerika bazarına tədarükün ən azı üçdə birinin Çin müəssisələri tərəfindən həyata keçirildiyi mallar arasında ən böyük məbləğ telefonlar (hazırda digər mallarda olduğu kimi onlara 145% əvəzinə 20% endirimli rüsum tətbiq edilir) - 50,9 milyard dollar, elektrik batareyaları - 17,9 milyard, oyuncaqlar - 13,5 milyard, video oyun konsolları - 7 milyard, elektrik su qızdırıcıları - 6,6 milyard dollardır.

Eyni zamanda, amerikalılar uşaq arabaları, çətirlər, termoslar və atəşfəşanlıq da daxil olmaqla on bir məhsulun 90%-dən çoxunu və bəzi növ ayaqqabı və bayram malları da daxil olmaqla on iki məhsulun 80%-dən çoxunu Çindən alıblar. Çin tədarükçüləri ABŞ-nin təbaşir, manqan, itrium və skandium idxalının üçdə ikisindən çoxunu təşkil edir.

Sahil İsgəndərov
AzVision.az