Ümumdünya Turizm Təşkilatının (BMÜTT) iyul ayında çap olunan "UNWTO Tourism Highlights”-ın 2013-cü il nəşrində 2011-ci illə müqayisədə 2012-ci ildə Avropa regionu üzrə beynəlxalq turist sayının artım faizləri açıqlanıb.
AzVision.az Mədəniyyət və Turizm Nazirliyinin saytına istinadən xəbər verir ki, artım templərinə görə göstəricilərə əsasən MDB ölkələri liderlik edir. 2012-ci ildə Azərbaycana gələn turistlərin sayı 1,986 milyon təşkil edib ki, bu da 2011-ci ildəki göstəricidən (1,562 milyon) 27% artıq olub.
Avropa ölkələri (MDB ölkələri də daxil olmaqla) üzrə sıralamanı nəzərə alaraq, turist sayının artma faizinə görə ilk 5-likdəki ölkələr bunlardır:
1. Gürcüstan - 36%
2. Azərbaycan - 27%
3. Moldova - 19%
4. Andorra - 15%
5. Rusiya - 13%
Turizm sahəsində əldə olunan ümumi gəlir göstəriciləri də artıb. Azərbaycan 2011-ci ildə 1,287 milyon ABŞ dolları, 2012-ci ildə isə 2,433 milyon ABŞ dolları ümumi gəlir əldə edərək, 89 % artıma nail olub.
Qeyd edək ki, 2012-ci ildə Gürcüstanın ümumi turizm gəlirləri 1,411 milyon dollar, Moldovanın - 213 milyon dolları, Rusiyanın isə 11,187 milyon dollara bərabər olub.
Azərbaycan Avropada ikinci oldu
12 İyul 2013
Oxunub:1355
Avropa regionu üzrə beynəlxalq turist sayının artım faizi açıqlanıb
Teqlər:
Vaxtında, Aydın, Lazımlı!
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
