AzVision.az xəbər verir ki, müzakirələr zamanı çıxış edən Elm və təhsil komitəsinin sədr müavini Bəxtiyar Əliyev Dövlət Statistika Komitəsinin rəsmi bülletenlərində böyük təhriflərə yol verdiyini diqqətə çatdırıb.
“İnzibati Xətalar Məcəlləsinə edilən dəyişiklik statistik məlumatları qaydaları və qanunauyğun şəkildə çatdırmayan təşkilatlara kəsilən cərimənin miqdarının artırılmasını nəzərdə tutur. Bu da təbiidir, başadüşüləndir. Mənim bununla bağlı bir sualım var, əgər Komitə statistik məlumatları düzgün çatdırmırsa, bu cərimələr onlara da şamil olunacaqmı? Çünki Statistika Komitəsinin bülletenlərində ciddi təhriflərə yol verilir. Bilmirəm bunu bilmədiklərindən, yoxsa qurumların ötürdüyü yanlış məlumatlar əsasında edirlər. Hər halda belə hallar mövcuddur”.
Deputat Sabir Rüstəmxanlı da həmkarının fikirlərini dəstəkləyib. Bildirib ki, Statistika Komitəsinin fəaliyyəti Milli Məclisdə müzakirə olunmalıdır.
“Statistika Komitəsinin məlumatı ya yanlış olur, ya da insanların hissiyyatına toxunan formada verilir. Əhalinin son siyahıya alınması zamanı açıqlanan statistik məlumatlar buna bariz nümunədir. Bu məsələlərlə aydınlıq gətirilməlidir”.
Sevinc İltifatqızı
Milli Məclisdən Statistika Komitəsinə etiraz
20 İyun 2014
Oxunub:1150
Milli Məclisin bu gün keçirilən iclasında parlamentarilər Dövlət Statistika Komitəsinin fəaliyyətini tənqid ediblər.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
