Azərbaycan Təhsil Nazirliyi müəllimlərin işə qəbulu üçün növbəti müsabiqə elan edib.
AzVision.az nazirliyin rəsmi saytına istinadən xəbər verir ki, 2013-2014-cü tədris ilində müəllimlərin işə qəbulu üzrə müsabiqədə keçid balını toplamış, lakin işə qəbul olunmamış müsabiqə iştirakçılarına ümumtəhsil məktəblərində hazırda olan vakant yerlər təklif edilir.
Bu kateqoriyadan olan namizədlər 22-26 noyabr tarixlərində Təhsil Nazirliyinin internet saytının (www.edu.gov.az) "Müəllimlərin işə qəbulu" bannerindən "Şəxsi səhifə"yə daxil olaraq (kod və parol vasitəsilə), uyğun ixtisas üzrə təklif olunan vakant yerlərdən ən çoxu 4-nü seçməli və təsdiqləməlidir.
Vakant yerlərin seçimi noyabrın 26-da saat 18:00-da başa çatdırılacaq, yerləşdirmə aparılacaq və nəticəsi dərhal hər bir namizədin "Şəxsi səhifə"sinə göndəriləcək.
Vakant yer tutan namizədlər "Şəxsi səhifə"də göstərilən vaxtda və yerdə müsahibədən keçdikdən sonra onların işə qəbulu barədə qərar qəbul ediləcək.
Nazirlik bildirir ki, vakant yerlərdən seçim edərkən düşünülmüş və dəqiq qərar verilməlidir. Seçim aparmaq üçün verilən müddət başa çatanadək hər bir namizəd öz seçimində dəyişiklik edə bilər. Bunun üçün yenidən "Şəxsi səhifə"yə daxil olub bir daha seçim etmək və təsdiqləmək lazımdır.
Müəllimlərin işə qəbulu üçün müsabiqə elan edildi
21 Noyabr 2013
Oxunub:1800
Azərbaycanda müəllimlərin işə qəbulu üçün növbəti müsabiqə elan edilib.
Teqlər:
Vaxtında, Aydın, Lazımlı!
-1734875100.jpg&h=190&w=280&zc=1&q=100)
-1734860898.jpg&h=190&w=280&zc=1&q=100)
-1734863793.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
