Cəlilabad rayonunda güclü yanğın hadisəsi baş verib. AzVision.az APA- ya istinadən xəbər verir ki, Fövqəladə Hallar Nazirliyinin Cəlilabad Rayon Yanğından Mühafizə Hissəsindən verilən məlumata görə, hadisə yanvarın 3-də saat 16.30 radələrində rayonun Sarxanlı kənd sakini, 1955-ci il təvəllüdlü Xəzəngül Qurban qızı Həsənovaya məxsus fərdi yaşayış evində qeydə alınıb.
Yanğının lokallaşdırılması üçün hadisə yerinə 2 yanğınsöndürən maşın və canlı qüvvə səfərbər olunub. Onların səyləri ilə güclü alov dalğasının yaxınlıqdakı tikililərə keçməsinin qarşısı alınıb.
Yanğın zamanı xəsarət alan olmasa da, ümumi sahəsi 92 kv.m olan ikimərtəbəli, 6 otaqlı ev içindəki məişət avadanlıqları ilə birlikdə yanaraq yarasız vəziyyətə düşüb.
İlkin versiya kimi yanğına elektrik naqillərindəki qısaqapanmanın səbəb olduğu güman edilir. Yanğının dəqiq səbəbi isə ekspertizanın rəyindən sonra bəlli olacaq.
Faktla bağlı araşdırma aparılır.
Cəlilabadda fərdi evdə güclü yanğın olub
04 Yanvar 2014
Oxunub:1324
Teqlər:
Vaxtında, Aydın, Lazımlı!
-1734889565.jpg&h=190&w=280&zc=1&q=100)
-1734875100.jpg&h=190&w=280&zc=1&q=100)
-1734860898.jpg&h=190&w=280&zc=1&q=100)
-1734863793.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
