AzVision.az ANS TV-ə istinadən xəbər verir ki, isti yay günlərində sərinləmək üçün Lənkəranda böyüklü kiçikli hamı dəniz sahilinə axışır. Canındakı ağrı acını çıxartmaq üçün dənizin qara qumuna pənah gətirən də var, çimib istirahətin dadını çıxaran da.
Əhalinin əksəriyyəti pulsuz çimərliklərə üz tutsa da, ödənişli çimərliklərə üstünlük verənlər də var. Özəl çimərliklərə gediş haqqı 2-5 manat arasında dəyişir. Bu qiymətə çimərlik üçün lazım olan ləvazimatlar, duş, çətir daxildir.
Şəhər sakini Nurəddin Xəlilzadənin sözlərinə görə, ödənişli çimərliklə ödənişsiz arasında gigiyena qaydalarına görə çox fərq var. Ödənişsiz çimərlikdə suyun içində yosunlar çox olur, ətrafa baxırıq, daşdır, qumun üzərində çoxlu yad əşyalar olur.
Şəhər sakini Nazim Yusifov bildirdi ki, mən həmişə pulsuz çimərlikdən istifadə etmişəm. Çünki bu dəniz bizə Allah təalanın verdiyi böyük nemətdir. Ondan istifadə etmək lazımdır.
Mövsümün əvvəlində dəniz suyunun tərkibinin yoxlanılması ilə bağlı aparılan monitorinqin nəticələri isə Lənkəran çimərliklərində narahatlığa əsas olmadığını deyir.
Lənkəran Gigiyena və Epidemologiya mərkəzinin direktoru Habil Sadıqov dedi ki, may ayından başlayaraq Lənkəranda dəniz suyu bakterioloji, fiziki və kimyəvi göstəricilərinə görə təyin olunmuş, nəticələr ürəkaçandır. Bu sularda normativlərə cavab verir.
Mövsüm boyunca dənizdə çimənlərin təhlükəsizliyinə müəyyən edilmiş çimərlik ərazisində FHN-nin dövlət sulardan xilas etmə xidmətinin cənub dalğıc axtarış qrupu və Lənkəran xilas etmə məntəqəsi nəzarət edir.
Qurum bu məqsədlə 2 kater və 3 rezin qayıq, 23 xilasedici ayırıb.
Çimərliklərdən xəbər var - VİDEO
18 İyun 2014
Oxunub:1036
Cənub bölgəsində çimərlik mövsümü başlayıb
Teqlər:
Vaxtında, Aydın, Lazımlı!
-1741976048.jpg&h=190&w=280&zc=1&q=100)
-1741961376.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
