Prezident İlham Əliyev Qobustan-Xilmilli avtomobil yolunda aparılan yenidənqurma işləri ilə tanış olub.
Yolun ümumi uzunluğu 23 kilometrdir. Azərbaycan Prezidentinin Sərəncamına əsasən vacib əhəmiyyət kəsb edən həmin infrastruktur obyektinin reallaşdırılmasına 2011-ci ildə 2 milyon, ötən il isə 5,3 milyon manat vəsait ayrılıb. Yeni yol Qobustan rayonunun Xilmilli, Sündü, Bəklə, Nabur, Cəyirli və Çalov kəndlərinin sakinlərinin rahat gediş-gəlişinə imkan yaradır.
Prezident İlham Əliyev burada sakinlərlə görüşüb, yeni yolun açılışı münasibətilə onları təbrik edib, onların həyat şəraiti ilə maraqlanıb.
Azərbaycan Prezidenti yeni yolda avtomobili özü idarə edib.