Ombudsman Aparatının mətbuat xidmətindən AzVision.az-a verilən məlumata görə, Ombudsmanın İşgəncələrin qarşısının alınması üzrə Milli Preventiv Qrupunun (MPQ) üzvləri Ədliyyə Nazirliyi Penitensiar xidmətinin 6 saylı cəzaçəkmə müəssisəsinə (CÇM) uzunmüddətli başçəkmə həyata keçiriblər. MPQ-nin həkim üzvü də başçəkmədə iştirak edib.
Başçəkmənin məqsədi saxlanılma şəraiti, məhkumlarla rəftar və əvvəlki başçəkmələr zamanı verilmiş tövsiyələrin icra vəziyyətinin öyrənilməsi olub.
Müəssisənin bütün obyektlərinə, o cümlədən yataqxana korpuslarına, cərimə təcridxanasına, tibb-sanitar hissəsinə, görüş yerlərinə, məscidə, kluba, yeməkxanaya, mətbəxə, hamama baxış keçirilib.
Saxlanılma şəraitinin və qidanın normal olduğu müəyyən edilib, yataqxanaların, karantin yerinin, cərimə təcridxanasının istilik sisteminin, yeməkxananın, hamamın təmir olunduğu, əlavə telefon otaqlarının quraşdırıldığı müsbət qiymətləndirilib.
Ümumilikdə 40-dək məhkum, o cümlədən cərimə təcridxanasında, tibb-sanitar hissəsində olan məhkumlar konfidensial qaydada qəbul edilib, onların sənədlərinə baxılıb, hüquqları və Ombudsmanın səlahiyyətləri izah olunub. Məhkumlar saxlanılma şəraitindən, müəssisə əməkdaşlarının onlara qarşı rəftarından, qidalanmadan və göstərilən tibbi yardımdan narazılıq etməyiblər.
Müəssisə rəhbərliyinə bəzi məsələlərlə bağlı verilmiş müvafiq tövsiyələr yerində həll edilib.
Məhbusların saxlanma şəraiti yoxlanıldı
19 Mart 2014
Oxunub:1031
Bakıdakı 6 saylı cəzaçəkmə müəssisəsinə uzunmüddətli başçəkmə həyata keçirilib.
Teqlər:
Vaxtında, Aydın, Lazımlı!
-1738348494.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
