AzVision.az xəbər verir ki, bu barədə Braziliyanın Ətraf Mühit Nazirliyinin meşələrin qırılması və yanmasına nəzarət siyasətləri departamentinin direktoru Raoni Rajao deyib. O, COP29 çərçivəsində keçirilən “Bakıdan Belenə: Meşələrin inteqrasiyalı və dayanıqlı idarə olunması üçün birgə təsirin azaldılması və uyğunlaşdırılması naminə Amazon Regional Mexanizmi” adlı tədbirdə çıxış edib.
Raoni Rajao Braziliyanın meşələrin qorunması sahəsində əldə etdiyi uğurlar, milli siyasətlərin gücləndirilməsi və beynəlxalq əməkdaşlığın əhəmiyyəti barədə fikirlərini bölüşüb. O bildirib ki, meşələrin qorunması yalnız Braziliya və digər ölkələr üçün deyil, həm də bütün dünya üçün həyati əhəmiyyət daşıyır:
“Qarşımızda böyük çətinliklər var. Meşələrin qlobal miqyasda qorunması üçün güclü milli siyasətlər və siyasi iradə vacibdir. Resursların səfərbərliyi çox önəmlidir, lakin əgər inkişaf siyasətlərimizdə meşələrin qırılmasının qarşısının alınması və qorunması əsas prioritet deyilsə, irəliləyiş əldə etmək çətin olacaq. Son illərdə Braziliya bu sahədə böyük səylər göstərib. Yeni administrasiya sayəsində Amazon meşələrində meşə qırılması səviyyəsi 45 faiz azalıb”, - deyə o qeyd edib.
O əlavə edib ki, bu uğur Braziliyanı COP30 ərəfəsində meşələrin qorunması mövzusunda lider mövqeyinə gətirib. Raoni Rajao həmçinin Azərbaycanın bu sahədə Braziliya ilə sıx əməkdaşlığını yüksək qiymətləndirib.
AzVision.az
Braziliya rəsmisi : Meşələrin qorunması yalnız milli maraq deyil, qlobal məsuliyyətdir
21 Noyabr 2024
Oxunub:276
“Meşələrin qlobal miqyasda qorunması üçün güclü milli siyasətlər və siyasi iradə vacibdir. Resursların səfərbərliyi çox önəmlidir”.
Teqlər:
Vaxtında, Aydın, Lazımlı!
-1732197967.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
