Şəmkir hərbi birləşməsinin əsgəri, Qazax rayonundakı “N” saylı hərbi hissədə xidmət edən Göyçayın Kürdəmiş kənd sakini, 1990-cı il təvəllüdlü Allahverdiyev Seymur Mürvət oğlunun meyiti bu gün doğulduğu kəndin qəbiristanlığında torpağa tapşırılacaq. sgərin meyiti dünən səhər saatlarında rayona gətirilərək qohumlarına təhvil verilsə də, onun Rusiyada olan valideynləri və qardaşı bu gün kəndə gəliblər. Dəfn mərasimi bu gün saat 12:00-a təyin olunsa da, əsgərin atası Mürvət Allahverdiyev meyitin yenidən tibbi ekspertizadan keçirilməsini tələb edib. Valideyn oğlunun odlu silahdan açılan güllə ilə ölmədiyini, onun avtomatın qundağı və ya küt alətlə döyülərək öldürüldüyünü iddia edir.
Dəfn qeyri-müəyyən vaxtadək təxirə salınıb. Yas mərasimində rayon icra hakimiyyətinin, hüquq-mühafizə orqanlarının əməkdaşları, kənd sakinləri iştirak edir. Əsgərin valideynləri və qohumları mərasimə gələn hər bir şəxsə böyük hörmət etdiyini, onların yasına hörmət etməyi və vəziyyəti müxtəlif istiqamətə yönəltməməyi xahiş edib. Meyitin yenidən ekspertizadan keçirilməsi üçün rayona Bakıdan nümayəndələrin gələcəyi gözlənilir.
Qeyd edək ki, Müdafiə Nazirliyi və Hərbi Prokurorluğun yaydığı rəsmi məlumata görə, əsgər Allahverdiyev Seymur Mürvət oğlu fevralın 28-də postda olarkən tabeliyində olan avtomat silahdan atəş açaraq intihar edib. 17 aydır hərbi xidmətdə olan Seymur Allahverdiyevin gələn ay hərbi xidmətdən tərxis olunacağı gözlənilirdi. Faktla bağlı cinayət işi açılıb, intiharın səbəbi araşdırılır./apa/
Ölən əsgərimiz dəfn olunmadı
02 Mart 2013
Oxunub:1557
Əsgərin atası Mürvət Allahverdiyev meyitin yenidən tibbi ekspertizadan keçirilməsini tələb edib.
Vaxtında, Aydın, Lazımlı!
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
