Gömrükdə külli miqdarda dərman müsadirə olundu

Gömrükdə külli miqdarda dərman müsadirə olundu
  18 Sentyabr 2020    Oxunub:2813
Gömrük orqanları qanunsuz yollarla ölkə ərazisinə gətirilən dərman vasitələrinin aşkarlanaraq dövriyyədən çıxarılması məqsədilə intensiv tədbirlərini davam etdirir.
Dövlət Gömrük Komitəsindən Azvision.az -a verilən məlumata görə, Bakı Baş Gömrük İdarəsinin "İpək Yolu" gömrük postunun 1-ci anbarında İrandan ayrı-ayrı şəxslərə məxsus yüklər daşıyan 44BF294/44ZA002 nömrə nişanlı yük avtomobilinə Skanlaşdırma və texniki nəzarət vasitələrinin tətbiqi şöbəsinin əməkdaşları tərəfindən rentgen qurğusu tətbiq edilməklə gömrük yoxlanılması aparılıb.
Bəzi mallar gömrük rüsumundan azad edildi

Yoxlama zamanı rentgen qurğusunun monitorunda şübhəli cizgilər əməkdaşların diqqətini cəlb edib, buna görə kosmetik vasitələr kimi bəyan olunan malların hər birinə ayrı-ayrılıqda fiziki yoxlama aparılması qərara alınıb. Baxış zamanı avtomobilin yarımqoşqusunda daşınan kosmetik vasitə yüklərinin arasında malların aşkar edilməsini çətinləşdirən üsullardan istifadə etməklə gizlədilmiş müxtəlif adda 1307 qutu maz-kremlər, 420 qutu dərman vasitələri, 769 ədəd stomatoloji ləvazimatlar aşkar edilib.

Hazırda faktla bağlı Bakı Baş Gömrük İdarəsinin Əməliyyat və Təhqiqat İdarəsinin Təhqiqat şöbəsində araşdırma aparılmaqla qeyd olunan dərman vasitələri və stomatoloji ləvazimatlardan ibarət malların Azərbaycan Respublikasının gömrük ərazisinə qanunsuz yollarla gətirilməsini təşkil edən şəxslərin müəyyən edilməsi istiqamətində əməliyyat-axtarış tədbirləri həyata keçirilir.

Azvision.az


Teqlər: Gömrük   Dərman  





Xəbər lenti


Azvision.az ©2014 | Bütün hüquqları qorunur