AzVision.az xəbər verir ki, bu barədə "BBC News" məlumat yayıb.

Bu ilin fevral ayında yeddi səudiyyəli kütləvi edamda öldürüldü ki, bu da 2022-ci ilin martında 81 nəfərin öldürülməsindən bəri bir gündə edam edilən ən yüksək rəqəmdir. 2024-cü ilin əvvəlindən Səudiyyə Ərəbistanında 100 nəfər edam edilib ki, bu da 2023-cü ilin eyni dövrü ilə müqayisədə 42 faiz çoxdur.

Edam olunanların neçəsinin islam din xadimləri, dini bloqçular və ya tələbələr olduğu bilinmir, çünki krallıqda edamların böyük əksəriyyəti gizli şəkildə baş verir, bir çox hallarda qurbanların ailələri onların yaxınlarının ölüm hökmündə olmasından xəbərsizdir. ESOHR qeyd edib ki, cəzanın növü və onu təyin edən məhkəmə çox vaxt rəsmi sənədlərdən gizlədilir.

2019-cu ildə Səudiyyə Ərəbistanı hökumətinin üç İslam alimi: Salman əl-Avda, Avad əl-Qarni və Əli əl-Ömərini eyni anda edam etmək istəyi ilə bağlı məlumatlar mediaya sızdı. Əl-Cəzirədə rezonans və bu mövzunun işıqlandırılmasından sonra Qərb mediası, eləcə də onlarla İslam xadiminin üç şeyxin həyatını xilas etməyə çağıran açıq məktubundan sonra planlar ləğv edildi. Hər üç şeyx qonşu Qətərin diplomatik və iqtisadi blokadasını dəstəkləməkdən imtina etdikdən sonra həbs edilib.

Keçən iyul ayında Səudiyyə İslam təbliğçisi Suleyman ibn Xalid “Dayus və qısqanclığın itirilməsi” adlı video yayımladıqdan sonra bütün sosial media platformalarından yoxa çıxdı və bu videoda Səudiyyə cəmiyyətində son illərin bəzi praktikalarından danışaraq Dayusları qınamağa çağırdı. Video 11 milyon baxış toplayıb.

Suleymanın Dayuslarla bağlı son ifadəsinə görə həbs edildiyi güman edilir. Eynilə Şeyx Xalid əl-Fuleyc, Əbdüləziz ət-Tarifi və bir çox başqa məşhur şeyxlər Səudiyyə polisi tərəfindən oğurlanıb. Həbs olunan az tanınan şeyxlərin, islamçı bloggerlərin və tələbələrin sayı yüzlərlə ola bilər.

Elnur Məmmədov

AzVision.az