Sabah Mədəniyyət və Turizm Nazirliyinin təşkilatçılığı ilə Azərbaycan Milli İncəsənət Muzeyində xalq rəssamı Toğrul Nərimanbəyovun vəfatının 40-cı gününə həsr olunmuş "Toğrulu xatırlayaraq" adlı sərgi keçiriləcək.
AzVision.az Mədəniyyət və Turizm Nazirliyinin rəsmi saytına istinadən xəbər verir ki, sərgidə rəssamın Azərbaycan Milli İncəsənət Muzeyi və Azərbaycan Dövlət Rəsm Qalereyasında saxlanılan əsərləri nümayiş etdiriləcək.
Toğrul Nərimanbəyov 1930-cu il avqustun 7-də Bakıda anadan olub. İlk rəssamlıq təhsilini Əzim Əzimzadə adına Bakı Rəssamlıq Məktəbində alıb (1945), daha sonra Litva İncəsənət İnstitutunda (1950) davam etdirib. Rəssamlıqla yanaşı Vilnüs Konservatoriyasında klassik vokal sənətinə də yiyələnib. 1955-ci ildə SSRİ Rəssamlar İttifaqına üzv qəbul edilib.
Toğrul Nərimanbəyovun Bakı, Moskva, Praqa, Belqrad, Vilnüs, Volqoqrad, Havana, Ştutqart, Sofiya, Paris, Lvov və s. şəhərlərdə fərdi yaradıcılıq sərgiləri keçirilib.
1964-cü ildə Azərbaycanın Əməkdar Rəssamı, 1989-cu ildə isə SSRİ xalq rəssamı fəxri adlarına layiq görülüb. Rəssam müstəqil Azərbaycanın "İstiqlal" və "Şərəf" ordenləri ilə təltif olunub.
Toğrul Nərimanbəyov 2013-cü il iyunun 2-də Parisdə vəfat edib, iyulun 3-də Parisin mərkəzində yerləşən Passi qəbiristanlığında dəfn olunub.
AzVision.az
Toğrul Nərimanbəyovun əsərləri sərgilənəcək
.jpg "Toğrul Nərimanbəyovun əsərləri sərgilənəcək")
10 İyul 2013
Oxunub:8272
Vaxtında, Aydın, Lazımlı!
-1734860898.jpg&h=190&w=280&zc=1&q=100)
-1734857612.jpg&h=190&w=280&zc=1&q=100)
-1734857510.jpg&h=190&w=280&zc=1&q=100)
-1733578577.jpg&h=190&w=280&zc=1&q=100)
-1734806627.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
