AzVision.az xəbər verir ki, Birləşmiş Ərəb Əmirliklərinin federasiyasına daxil olan əmirlik Yaxın Şərqin biznes və maliyyə mərkəzidir. O, artıq ticarət yollarını dərinləşdirir və artan regional rəqabətlə üzləşdiyi üçün qlobal firmaları cəlb etməyə çalışır. Dubay Əmiri Şeyx Məhəmməd bin Rəşid Al Məktum tviterdə yazıb ki, Dubay qlobal tərəfdaşlar sırasına qoşulduğu üçün 2033-cü ilə qədər şəhərin xarici ticarəti 25,6 trilyon dirhəmə çata bilər.



O, qeyd edib ki, Dubay həmçinin hər il təxminən 60 milyard dirhəm birbaşa xarici investisiya cəlb etməyi hədəfləyir. Dubay iqtisadiyyatı pandemiyadan sonra bərpa olunur və keçən ilin ilk doqquz ayında şəhərin iqtisadi qüvvəsi 4,6% artıb. Lakin onun uzunmüddətli inkişaf planı qlobal problemlər fonunda təqdim edilib. Belə ki, Beynəlxalq Valyuta Fondu bu il qlobal iqtisadiyyatın üçdə birinin tənəzzülə uğrayacağını, ABŞ, Avropa və Çin iqtisadiyyatının yavaşlayacağını gözləyir.



Əmirlik planın bir hissəsi olaraq istehsal və logistika sektorunu artırmağa çalışır. Hökumət xərcləri on il əvvəl 512 milyard dirhəmdən növbəti 10 il ərzində 700 milyard dirhəmə yüksəldəcək. Şəhər on ildən artıqdır ki, regionun ticarət paytaxtı olub, lakin Səudiyyə Ərəbistanı həm də Vəliəhd Şahzadə Məhəmməd bin Salmanın 2030-cu ilə qədər inkişaf planına uyğun olaraq biznes və ticarət mərkəzi rolunu genişləndirmək niyyətindədir.



Dubay xarici investorlar üçün qanunvericilik dəyişiklikləri qəbul edib və sosial məhdudiyyətləri yüngülləşdirib. İl, spirtli içkilərə tətbiq edilən 30 faizlik verginin ləğvi ilə başlayıb. Keçən il BƏƏ evli olmayan cütlüklərin birlikdə yaşamalarına qoyulan qadağanı ləğv edərək bazar ertəsindən cümə gününə qədər iş həftəsinə keçib. Onlar həmçinin əcnəbilərə sponsora ehtiyac olmadan işləmək, yaşamaq və təhsil almaq üçün viza tətbiq ediblər.

İlkin Nəcəfzadə
AzVision.az