Qazaxıstanda daha iki AES tikilə bilər

Qazaxıstanda daha iki AES tikilə bilər
  03 Yanvar 2025    Oxunub:816
Qazaxıstan yaxın gələcəkdə ikinci və üçüncü atom elektrik stansiyasının tikintisinə başlaya bilər.
Bunu “Ana dili” qəzetinə müsahibəsində ölkə prezidenti Kasım-Jomart Tokayev deyib. "Mən əminəm ki, Qazaxıstana yüksək güclü atom elektrik stansiyası lazımdır. Üstəlik, mən istisna etmirəm ki, yaxın gələcəkdə biz ikinci, bəlkə də üçüncü atom elektrik stansiyasının tikintisinə başlayacağıq. Artıq enerji qıtlığı yaşayan iqtisadiyyatımızın inkişafına nüvə sənayesi güclü təkan verəcək. Hesab edirəm ki, Qazaxıstan nüvə enerjisi inkişaf etmiş ölkəyə çevrilməlidir. Onun üçün böyük gələcək var", - deyə Qazaxıstan lideri bildirib.

Qazaxıstanın cənubunda ilk atom elektrik stansiyasının tikintisi layihəsinin gedişatını şərh edən Tokayev qeyd edib ki, tikinti konsorsiumunda baş operator layihənin sifarişçisi kimi yerli tərəf olacaq.

"Bu məsələ Astanaya səfəri zamanı Vladimir Putinlə müzakirə olunub. Layihənin sifarişçisi kimi Qazaxıstan tərəfinin konsorsiumda baş operator kimi çıxış etməsi razılaşdırılıb. Xaricdə atom elektrik stansiyalarının tikintisi üzrə yüksək səriştələrə və böyük təcrübəyə malik “Rosatom” şirkətinin mümkün iştirakı müzakirə edilib".

Qazaxıstan Prezidenti qeyd edib ki, Çinin mülki nüvə obyektlərinin tikintisində böyük uğurları nəzərə alınmaqla, Çin şirkəti ilə də danışıqlar aparılır. Layihəyə digər xarici korporasiyalar, o cümlədən Qərb korporasiyaları tərəfindən maraq var.

AzVision.az


Teqlər:





Xəbər lenti


Azvision.az ©2014 | Bütün hüquqları qorunur