Kiyev 10 milyon qaçqını geri qaytarmaq istəyir - "El Pais"

Kiyev 10 milyon qaçqını geri qaytarmaq istəyir - "El Pais"
  24 Dekabr 2024    Oxunub:514
Genişmiqyaslı müharibə başlayandan indiyə kimi altı milyondan on milyona qədər ukraynalı xaricə gedib. Onlar hələ də gedikləri ölkədə yaşayır və ya qaçqın statusundadırlar. Lakin Ukrayna son vaxtlar vətəndaşların “evə” qaytarılmasının tərəfdarıdır. Xüsusən, bunu qaçqınlara verilən yardımları kəsmək və səfərbərlik yaşında olan kişilərin konsulluq xidmətlərinə çıxışını bağlamaq kimi üsullarla etməyin tərəfdarıdır.
Bu fikirlər El Pais-də dərc olunan məqalədəndir.

Starmer Ukraynaya qoşun göndərməyə hazırdır - "The Times"
Nəşr xatırladıb ki, vətəndaşların Ukraynaya qaytarılması ilə bağlı problemləri həll etmək üçün hətta Milli Birlik Nazirliyi də yaradılıb. Bundan başqa, qadağan edilmiş ikili vətəndaşlığın tanınması ilə bağlı məsələlərə də əl gəzirilib.

Razumkov Mərkəzinin sosioloqu Olqa Pişçulina deyib ki, insanların kütləvi şəkildə ölkəyə qayıdışı müəyyən şərtlərin yerinə yetirilməsindən asılıdır. Onlardan bəzilərini isə hazırda həyata keçirmək mümkün deyil. Bu, sırf təhlükəsizlik məsələsinə aiddir. Çünki müharibə hələ də tam gücü ilə davam edir, ölkədə hava hücumu siqnalları verilir və müəyyən risklər də var.
Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb.
Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural Tağıyev
AzVision.az



Teqlər:   Ukrayna   Qaçqın  





Xəbər lenti


Azvision.az ©2014 | Bütün hüquqları qorunur