Daha sonra Şirvan gəncləri ilə səmimi söhbət edən millət vəkili onları narahat edən məsələlərlə maraqlanaraq, qarşılaşdıqları problemlər, Şirvan şəhərinin ictimai-siyasi həyatında daha aktiv iştirakları üçün rəy və təkliflərini dinləmişdir. Görüş zamanı uğurlu dövlət-din siyasətinin nəticəsi kimi ölkəmizdə dini tolerantlıq mühitinin yaradıldığı, dövlət-din münasibətlərinin beynəlxalq hüquq normalarına uyğun tənzimləndiyi haqda fikir mübadiləsi aparılmış, millət vəkili Şirvan şəhərində qeyri-ənənəvi təriqətlərin təbliğatının qarşısının alınmasında, milli-mənəvi dəyərlərin və tolerant mühitin qorunub saxlanmasında gənclərin daha aktiv fəaliyyət göstərmələrinin vacibliyini bildirmişdir.

Millət vəkili Azay Quliyev gənclər tərəfindən irəli sürülən mədəni tədbirlərin keçirilməsi, kütləvi idman yarışlarının təşkili, böyük beynəlxalq layihələrin şəhər gənclərini əhatələməsi istiqamətində verilən təklifləri ətraflı araşdıracağını və onların tezliklə həllinin tapılması üçün müvafiq addımlar atacağını bildirib.

Elə həmin gün Şirvan şəhərinin Hacıqəhrəmanlı qəsəbəsində Azay Quliyevin təşəbbüsü ilə xarici donorların maliyyə vəsaiti hesabına tikiləcək tibb məntəqəsinə ayrılan ərazidə olmuş, qəsəbə bələdiyyə sədri və İH nümayəndəsi ilə texniki-təşkilati məsələləri müzakirə etmişdir.