Bu sözləri Rusiya Silahlı Qüvvələrinin Baş Qərargah rəisi Valeri Gerasimov xarici dövlətlərin hərbi attaşeləri üçün brifinqdə çıxışı zamanı dilə gətirib. O vurğulayıb ki, regionun əsas böhran ocaqları Qəzza, Livan və Yəməndədir.
"Qəzza zolağında humanitar fəlakət regiondakı münaqişələrin ən böyük faciəsinə çevrilib. Döyüşən tərəflərə qeyri-regional tərəflərin bu, ya digər dəstəyi və İranın təxribat cəhdləri Yaxın Şərqdə vəziyyəti daha da təhlükəli hala gətirməkdədir", - hərbçi deyib.
O, Suriyada Bəşər Əsəd rejiminin müxalif qüvvələr tərəfindən devrilməsinə də fikir bildirib.
"Suriya Ordusu məhz ABŞ sanksiyaları ucbatından müntəzəm təlimlər keçirə bilmədiyi üçün döyüş hazırlığı zəif idi. Odur ki müxalif qruplara lazımi müqaviməti göstərə bilmədi", - Gerasimov vurğulayıb.
Xatırladaq ki, Suriyada noyabrın 27-də müxalif qüvvələrin hücuma başlaması nəticəsində Prezident Bəşər Əsədin hökuməti devrilib. Beləliklə, ölkədə 53 illik Əsəd ailəsi hakimiyyətinə son qoyulub.
Firudin Həmidli
AzVision.az
Gerasimov: "Yaxın Şərqdə böyük müharibə riski var"
18 Dekabr 2024
Oxunub:256
"Yaxın Şərqdə durmadan pisləşən böhran vəziyyətinin regional müharibəyə çevrilməsi riski öz şiddətini qorumaqdadır".
Teqlər: Rusiya Yaxın-Şərq Suriya
Vaxtında, Aydın, Lazımlı!
-1734520621.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
