“Milli Məclisin builki fəaliyyətini yüksək qiymətləndirirəm. İstər deputatların Milli Məclisdə iştirakı, istər davamiyyəti, istərsə də qanunların qəbulu, təkliflərin verilməsi, ümumilikdə hər birinə müsbət qiymət verirəm”.
Bunu AzVision.az-a açıqlamasında Yeni Azərbaycan Partiyasının (YAP) icra katibinin müavini, Milli Məclisin İntizam Komissiyasının sədri Siyavuş Novruzov parlamentin builki fəaliyyətindən danışarkən bildirib.
S.Novruzov qeyd edib ki, Milli Məclis bu il beynəlxalq faəliyyəti ilə seçilib:
“Millət vəkilləri mütəmadi olaraq, Milli Məclisin plenar, komitə iclaslarında iştirak etdikləri üçün hesab edirəm ki, gündəlik fəaliyyətlərində ciddi nöqsanlar olmayıb. Parlamentin bu il həm də beynəlxalq əlaqələri və beynəlxalq dostluq qrupları ilə işləri önəmli olub. İstər beynəlxalq təşkilatlarda təmsilçilik, istər Azərbaycana gələn beynəxalq təşkilatların nümayəndələri ilə birgə fəaliyyət, o cümlədən müxtəlif tədbirlərin seminarların keçirilməsi, ikitərəfli münasibətlər böyük əhəmiyyətə malik olub.
Parlamentdə 70 dən yuxarı dostluq qrupu var ki, millət vəkilləri mütəmadi olaraq həmin dostluq qrupları ilə əlaqələr yaradır, qarşılıqlı səfərlər edirlər, təcrübə, fikir mübadiləsi aparırlar. Xarici ölkələrə Azərbaycan həqiqətlərini çatdırırlar və Azərbaycanın problemlərinin həll olunması üçün o ölkələrdən dəstək alırlar”-deyə YAP-çı deputat parlamentin işinə qiymət verib.
S.Novruzov həmçinin bildirib ki, Milli Məclisin qəbul etdiyi hər bir qərar onun üçün yadda qalan olub: “Milli Məclisin hər bir fəaliyyəti yadda qalan oldu”.
Nihadə Eyyubova
“Deputatların bu il nöqsanları olmayıb” - AÇIQLAMA
18 Dekabr 2013
Oxunub:1054
Vaxtında, Aydın, Lazımlı!
-1681371673-1699081059.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
