Azərbaycan Respublikası Dövlət Neft Şirkətinin (ARDNŞ) Türkiyədə neft emalı zavodunun tikintisi layihəsinin maliyyələşdirilməsi məsələsinin razılaşdırılması prosesi başa çatmaq üzrədir. AzVision.az xəbər verir ki, bunu Trend-ə ARDNŞ-nin iqtisadi məsələlər üzrə vitse-prezidenti Süleyman Qasımov deyib.
Onun sözlərinə görə, bütün banklar və maraqlı tərəflər martın 31-dək qüvvədə olan bu layihənin maliyyələşdirilməsində iştirak üzrə öz yekun təkliflərini təqdim ediblər.
S.Qasımov vurğulayıb ki, qeyd edilən müddətədək bütün prosesi razılaşdırmaq üçün hazırda aktiv işlər görülür.
Vitse-prezidentin fikrincə, bu müddət ehtiyac olduğu təqdirdə uzadıla bilər.
Qeyd edək ki, "SOCAR Turkey Enerji" A.Ş. 2008-ci ildən etibarən Türkiyənin "Petkim" neft-kimya kompleksinin səhmlərinin 62 faizini əldə edib.
Holdinq Türkiyədə neft-kimya məhsulları bazarında lider mövqe tutur. ARDNŞ neft-kimya aktivlərini inkişaf etdirmək üçün ardıcıl addımlar atır.
Xammala olan tələbatı optimallaşdırmaq və Türkiyəyə idxal edilən yanacağın miqdarının azaldılması üçün "Star" yeni neft emalı zavodunun tikintisinə başlanılıb.
2017-ci ildə istismara verilməsi planlaşdırılan zavodun illik istehsal gücü 10 milyon ton təşkil edəcək.
Zavodda "Azeri Light", "Kerkuk" və "Urals" kimi neft çeşidlərinin emal edilməsi planlaşdırılır.
ARDNŞ Neft Emalı zavodunun tikintisinə başlayır
23 Mart 2014
Oxunub:1381
Teqlər:
Vaxtında, Aydın, Lazımlı!
-1732529612.jpg&h=190&w=280&zc=1&q=100)
-1732280990.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
