Kənd Təsərrüfatı Nazirliyindən Azvision.az -a verilən məlumata görə, Meyvəçilik və Çayçılıq Elmi-Tədqiqat İnstitutunda İngiltərə şirkəti ilə əməkdaşlıq çərçivəsində giləmeyvə bitkiləri üzrə yeni layihə icra olunur. Layihənin əsas məqsədi ölkəmizdə İngiltərə mənşəli çiyələk sortlarının yetişdirilməsi və yeni texnologiyanın tətbiqindən ibarətdir.
İnstitut tərəfindən çiyələk bitkisinin 5 sortu ölkəmizə introduksiya edilib və onlar üzərində tədqiqat işləri aparılır. Hazırda “Kupid”, “Fenella”, “Kristin”, “Flomenko” və “Florens” sortları mütəxəssislər tərəfindən müşahidə olunur.
İngiltərə mənşəli çiyələk sortlarının yüksək məhsuldarlığa malik olması fermerləri giləmeyvənin bu növünü becərməyə sövq edir.
Yeni texnologiyaya əsasən çiyələk bitkisi tirə üsulu ilə əkilir. Bitkilər tirə üzərində 0,8x0,35 metr sxemində əkilir və damla suvama sistemindən istifadə olunur. Tirələr təxminən 10-15 santimetr hündürlükdə olur. Çiyələk bitkisinin bu üsulla əkilməsi torpağın rütubətini artırır və qışda şaxtalar zamanı bitkinin köklərinin donmasının qarşısını alır.
Azvision.az
Qubada İngiltərə mənşəli çiyələk sortları əkilir
27 May 2021
Oxunub:1078
Qubada İngiltərə mənşəli çiyələk sortları əkilən sahələrdə yüksək məhsuldarlıq əldə olunub.
Teqlər: KTN
Vaxtında, Aydın, Lazımlı!
-1732379381.jpg&h=190&w=280&zc=1&q=100)
-1732645533.jpg&h=190&w=280&zc=1&q=100)
-1732639028.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
